خوەینشاندان ری هەولێر - کەرکوک بڕێد
شەفەق نيوز – كەركوك
خوەینشاندەرەیل تورکمانی ئمڕوو دووشەممە، لە ناڕەزایی لەبان ئاڵشتکردن وەڕیەوبەرەیل فەرمانگەیل حکومەتی، لەناویان وەڕیەوبەر شارەوانی وەبی سڵاکردن نویەنەرەیلیان، ری ناوەین هەولێر و کەرکوک بڕین.
شەوەکی ئمڕوو، دەیان لە پیکاتەی تورکمان، لە ناوڕاس ناحیەی ئاڵتوون کوپری باکوور پارێزگای کەرکوک خوەینشاندان کردن، و تابلۆ بەرزەو کردن داوای دووارە بەشەوکردن پۆستەیل کردن وەگورەی بنەمای هاوبەشی و هاوسەنگی، و دووپاتیش لە نارەزاییان کردن وە چەسپانن کارەیلیگ لە ئیدارەی ناحبەگە.
جی باسە کە ناحیەی ئاڵتوون کوپری لەو ناوچەیلەسە کە ململانێ هابانیان، و هەر ماوەیگ جاریگ مشتومڕ سیاسی و ئیداری ناوەین پیکاتەیل جیاجیای وەخوەی دوینێد.
لە ماوەی ئی دوو رووژ گوزەشتە، لە سۆشیال میدیا بانگواز ئەرا خوەینشاندان لەناوڕاس ناحیەی ئاڵتوون کوپری بڵاو بوی، ئەرا ناڕەزایی لە سیاسەت چەسپانن کاریگ لەبان زەوی، لە هەڵمەت ئاڵشتکردن وەڕیەوبەرەیل فەرمانگەیل حکومەتی، وەتایبەت شارەوانی ناحیەگە، وەلێ سڵاکردن پیکاتەی تورکمان، وەگەرد داواکارییەیل دژوارە بەشەوکردن پۆستەیل وەشیوەیگ هاوسەنگ کە هەمەڕەنگی نەتەوەیی ناوچەگە بخەێدە وەرچەو.
