خوەنەواری کوردستان بڕیار قەیەغەکردن زوان کوردی لە زانکۆیل عراق شەرمەزار کەێد
شەفەق نیوز - هەولێر
وەزارەت خوەنستن باڵا و توێژینەوەی زانستی لە هەرێم کوردستان، ئمڕوو شەممە، بڕیار قەیەغەکردن وانەوتن و پرسیار تاقیکردنەوە وە زوان کوردی لە زانکۆیل نەینەوا و کەرکوک و دیالە لەلایەن وەزارەت خوەنستن فیدراڵی شەرمەزار کرد.
لە بەیاننامەیگ رەسیە ئاژانس شەفەق نیوز، وەزارەتەگە راگەیان کە پشتگوووخستن زوان جوان کوردی لە ناوەندەیل خوەنەواری باڵای عراق پێچەوانەی بنەمایەیل دەستوور و وەیەکەوژیانە.
لە بەیاننامەگە وتیش: ئی بڕیارە هەرچەن پێشێلکردن راستەوخۆی ڕاستەوخۆی مادەی چوارەم دەستوور هەمیشەیی عراقە، بەڵام پێچەوانەی ئەو بەها و پرەنسیپەیلە تیەن ئەرا وەیەکەوژیان لە چوارچبوەی دەوڵەت عراق فیدراڵی.
لە بەیاننامەگە داوا لە وەزارەت خوەنستن باڵای عراق کرد جیوەجی واز لەی بڕیارە بارێد و کار ئەرا دامەزرانن زانکۆ و دامەزراوەیل خوەنستن باڵا جویر ناوەند وەیەکەوژیان و رێزگرتن لە کولتوور و زوان و داب و نەریتی گشت گەلەیل عراق وەبی جیاوازی کار بکەێد.
خوەنستن باڵای هەرێم کوردستان له بەیاننامەگە وتیش: "ئەرا ئی کارە پەیوەندی وەرد لایەنەیل پەیوەندیدار ناو حکومەت عراق کەیمن ئەرا چارەسەرکردن ئی کێشه و ریگری لە دووارەبوین ئی جویرە هەڵوێسەیل دوژمنکارە".
وەزارەت خوەنستن باڵا و توێژینەوەی زانستی عراق رینماییگ زویوەزوی دەرکرد کە وەکارهاوردن زوان کوردی لە وانەوتن و تاقیکردنەوەیل لە زانکۆ و پەیمانگایل لە سمارەیگ لە پارێزگایەیل عراق قەیەغە کەێد، دووپاتیش کرد کە ری وە وەکارهاوردن تایبەت زوان عەرەبی لە پرۆسەی خوەنەواری داگە.
