حکومەت كوردستان پابەندبوین خوەی وە رێککەفتنی وەرد بەغدادەو راگەینێد و داوای پابەندبوین ئەو کەێد

شەفەق نيوز- هەولێر   

حکومەت هەرێم کوردستان، ئمڕوو چوارشەممە، پابەندبوینی وە خاڵەیل رێککەفتن واژووکریایی وەرد حکومەت فیدراڵی دووپات کرد، و داوا لە بەغدایش کرد وەپی پابەند بوود، و مووق کرد کە لیست مووچەیل وەگشت ئاشکراییگ کلکردگە.

 حکومەت هەرێم کوردستان لە بەیاننامەیگ رەسیە ئاژانس شەفەق نیوز وت: ئەنجومەن وەزیرەیل هەرێم کوردستان، ئمڕوو چوارشەممە، گردەوبوین خوەی ئەنجام دا، و بەش یەکەمی ئەرا باسکردن لە دویاترین نووەوبویەیل جیوەجیکردن رێککەفتن دویایین ناوەین حکومەت هەرێم کوردستان و حکومەت فیدراڵی دیاری کرد،  کە لە هەفتەی گوزەشتە لەلایەن ئەنجومەن وەزیرەیل هەروگ لایەن بڕیار دریا، کە پەیوەندی وە شایستەیل دارایی هەرێم و هەناردەکردن نەفت و میکانیزمەیل جیوەجیکردن خاڵەیل رێکەفتنەگە لەلایەن وەزارەت و لایەنە پەیوەندیدارەیل لە دوو حکومەت، و دەسەیل هاوبەش.

وتیش: سەرۆک ئەنجومەن وەزیرەیل دووپات کرد کە هەرێم کوردستان وەتەواوی پابەند بوی وە گشت ئەرکەیلی لەناو ئەو رێککەفتنە، کە وەزارەت دارایی و ئابووری لە حکومەت هەرێم کوردستان بڕ 120 مليار دينار خستە هەشمار وەزارەت دارایی فیدراڵی، وەگورەی رێککەفتنەگە، وەگەرد ئەوەیش لیست مووچەیل مانگ ئایار و حوزەیران کلکرد، و وەردەوامی کار هویردبینی هاوبەش لەلای دوو وەزارەت دارایی، بیجگە چەودیاریکردن لەلای دەسەی چەودیاریکردن دارایی فیدراڵی و هەرێم، لەباوەت داهاتەیل و خەرجەیل وەرزانە.

وتیش: لەباوەت نەفت، و وا وت سامانەیل سروشتی لە هەرێم کوردستان، گشت ئاسانکارییگ ئەرا وەزارەت نەفت فیدراڵی و کۆمپانیای سۆمۆ پیشکەش کرد، و سەردانیگ ئەرا گشت شوینە نەفتیەیل لە هەرێم کریا، دووپاتیش کرد کە دەسەی پیشەیی لە دوو وەزارەتەگە رەسینە رێکەفتنیش هاوبەش لەبان میکانیزم دەسکردن وە هەناردەی نەفت کوردستان لەڕی کۆمپانیای سۆمۆ. وەگورەی بڕەیل بەرهەم ئیسە کە لەوەر پەلامارەیل تیرۆری وە درۆنەیل داوەزیا.

 وتیش: ئەنجومەن وەزیرەیل دووپات کرد کە ئی ریکارەیلە پابەندبوین تەواو هەرێم کوردستان وە رێککەفتنەگە چەسپانن، و بایەسە حکومەت فیدراڵی وەرانەور ئەوە پابەند بوود. وەتایبەت کلکردن مووچە و شایستەیل هاوڵاتیەیل هەرێم کوردستان، کە تا ئیسە کلنەکریانە، کە فەرمانبەرەیل هەرێم کوردستان تا ماوەی سێ مانگ لە مووچەیل خوەیان بیبەش کریانە، کە خوەی مافیگ دەستووری و یاساییە، نەبایەس وەهەر شیوەیگ دەسکاری بکریەێد، وەتایبەت کە هەرێم کوردستان گشت پابەندیەیلی وەتەواوی جیوەجی کرد.

  ئەنجومەن وەزیرەیل هەرێم کوردستان باس رێزگردن بەرزی ئەرا هەڵوێست هاوڵاتیەیل هەرێم کوردستان کرد کە وەرپرس و بفامە ئەرا رەوشەیل دارایی سەخت، هەرچەن زەردمەن بوین لە بڕیارەیلیگ نا دەستووری، دووپات لە پابەندبوین تەواوی وە مقیەتیکردن مافەیلیان کرد و وازنەهاوردن لەلی، یەکەمیان دابینکردن مووچەیل لە نزیکترین وەخت.

 ئەنجومەنەگە داوا لە میدیایەیل راگەیانن لە کوردستان کرد ئەرک خوەیان وە پیشەیی و وەرپرسیانە لە بڵاوکردن زانیاریەیل کرد، و نەوونە ئامرازیگ ئەرا بڵاوکردن خەوەرەیل دروو یا بەدناوکردن راسیەیلڕ و ری وەو کەسەیلە نەیەن کە خوازن ژاوەژاو بنەنەو، و فەرمانبەرەیل لە مافەیل خوەیان بیبەش بکەن.