حیزب شوعی داوای دەرکردن یاسایگ دادپەروەرانە ئەرا کوردەیل فەیلی کەێد
شەفەق نیوز/ حیزب شوعی عراق، ئمڕوو یەکشەممە، داوای دانان یاسایگ دادەروەرانەکرد ئەرا کوردەیل فەیلی کرد و قەرەبوییان بکرێدەو ئەو "ستەم و رەدکردن ماف هاوڵاتی بوین" ئەرایان بکرێدەو.
حیزبەگە لە بەیاننامەیگ رەسیە ئاژانس شەفەق نیوز راگەیان "وە شانازی و رێزەو یاد قوربانیەیل کورد فەیلی کەیمن وە تایوەت ئەوانەگ رویوەروی ئەو تاوانیلە بوین کە رژێم دیکتاتۆری رمیاگ وەەریان هاورد".
وتیش: "وە بوونەی یاد شەهیدەیل کورد فەیلی، یاد خوەراگیریان وەرانوەر هەڵمەت ئاوارەیی و دەسوەسەرگردن موڵک و ماڵ و بیسەروشوینکردن گەنجەیل و پاکتاوکردن نەتەوەیی کە یەکسانە وە جینۆساید کەێمن".
دووپاتکرد لە "گرنگیداین وە وەرگردن ماف ەو هاوڵاتیەیلە، و قەرەبویکردنیان لە وەرانوەر ئو ستەم و وەرگردن ماف هاوڵاتی بوین هاتنە، پاڵپشتی دانان یاسایگ دادپەروەرانە کەیمن ئەران وەرانوەر ئەو ستەم و نادادپەروەریە تویشی هاتن".
