ئۆجەلان داوای قسەکردن وەرد بارزانی و سەرۆک هەرێم کوردستان و تاڵەبانی و عەبدی کەێد
شەفەق نيوز/ پارت یەکسانی و دیموکراتی گەل (DEM پارتی) کورد تورکیا، ئمڕوو چوارشەممە، ئاشکرا کرد کە عەبدولڵا ئۆجەلان ریبەر پەکەکە ئارەزووی نشان دا لە وازکردن کەناڵەیل گفتوگوکردن وەرد سەرکردەیل حزبەیل کوردی سەرەکی کرد، لە نوایان مەسعود بارزانی ریبەر کورد، و نێچیروان بارزانی سەرۆک هەرێم کوردستان، و مەزڵوم عەبدی و بافڵ تاڵەبانی.
عائیشە گول دوگان قسەکەر حزبەگە لەناو کۆنگرەیگ رووژنامەوانی وت: حزبەگە ئامادەکاری کەێد ئەرا سەردانیگ نزیک ئەرا زیندان ئیمرالی و دیدار عەبدولڵا ئۆجەلان، ئەرا باسکردن لە پرس ئاشتی.
دووپات کرد کە ئیمە پشتگیری لەی هەڵمەتە کەیمن، ئەرا دەڵکداین پرس سیاسی وەرەو نوا.
لە یەک مانگ ئادار ، پەکەکە ئاگربەسی وازهاوردنی لە چەک راگەیان، وە سڵای بانگەواز عەبدولڵا ئۆجەلان ریبەری، ئەوەیش دویای 40 ساڵ لە جەنگ وەرانوەر دەوڵەت تورکیا.
دەسەی جیوەجیکار پەکەکە لە بەیاننامەیگ رەسیە ئاژانس شەفەق نیوز وت: لە وەڵامدان بانگەوازەگەی ئۆجەلان، ئاگربەسی لە ئمڕوو راگەینێد، دووپاتیش کرد کە باوەتەیلیگ جویر داناین چەک تەنیا لەڕی ریبەر ئاپو تیەێد.
