جەڵتەی مێشک کۆتایی وە ژیان نوێنەر قەرەجەیل هەرێم کوردستان تیارێد
2025-07-26T13:21:02+00:00
شەفەق نیوز ـ دهۆک
نوێنەر قەرەجەیل هەرێم کوردستان عراق یونس زاهیر، ئمڕوو شەممە، وە مدوو جەڵتەی مێشک لەوەخت گەشتکردن لە تورکیا گیان لەدەسدا.
وەرپرس راگەیانن فەرمانگەی روشنهویری دهۆک حەسەن فەتاح وە ئاژانس شەفەق نیوز وت: یونس ئەرا یەکیگ لە خەستەخانەیل ئەورا بریاس لەدویای تویش هاتن وە جەڵتە و چەن رووژیگ لەورا مەنییە وەرجە ئەوەگ ئمڕوو گیان لەدەس بەێد، بڕیارە تەرمەگەی لە ماووەی چەن رووژ ئایندە ئەرا پارێزگای دهۆک کلبکرێد.
وتیش؛ یونس تەمەنی 50 ساڵ بوی وەرپرس سەنتەر "ئادار" رووشنهویری و هونەری لە کاروبار رووشنهویری و هونەری قەرەجەیل بوی لە دهۆک.
راگەیاندیش، شمارەی قەرەجەیل هەرێم کوردستان وەپای ئاممارەیل نافەرمی 43 هەزار کەس زیاترە و فرەیگیان لە کۆمەڵگەی "رزگاری" لە باشوور پارێزگای دهۆک زندگی کەن.
