توومارکردن یەکەمین تویشهاتن وە تەو خوینوەربوین لە هەرێم کوردستان
شەفەق نيوز/ سەرکار سۆرچی قسەکەر وەزارەت تەندێ هەرێم کوردستان، ئمڕوو جمعە، توومارکردن یەکەمین تویشهاتن وە تەو خوینوەربوین لە هەرێم کوردستان لە ساڵ 2025 راگەیان.
لە بەیاننامەیگ رەسیە ئاژانس شەفەق نیوز وت: بیمارەگە گووشتفرووشە لە تەمەن 42 ساڵە، خەڵک قەزای کۆیە لە پارێزگای هەولێر.
وتیش: بیمارەگە ئیرنگە لە خەسەخانەیل هەولێر چارەسەری بەێد، و تەندروسیی جیگیرە.
تەو خوینوەربوین بیمارییگ تویشهاتنە و هاتێ بوودە مدوو بیماربوین سەختیگ و رخدار لەبان ژیان، جویر خراوبوین دیوار لویلە بویچگەیل خوین، کە بوودە مدوو "دزەکردن"یان، و توانای مەینکردن خوین وسنێد.
وەگورەی ئامارەیل (مایۆی کلینیک) نیشانەیل تەو خوینوەربوین ڤایرۆسی وەگورەی بیماریەگە جیاوازن، نیشانە سەرەتاییەیلی تەو شەکەتی و لاوازی، یا هەسکردن گشتی وە ناڕەحەتی، سەرگیژخواردن، ئازار ماسولکە، سوخان، یا جومگەیل، زگچین، ئەڵاوردن.
ئەو نیشانەیلە کە رخداری لەبان ژیان دیرن لە خوێنبەربوون لە ژیر پووسە، و لە ئەندامەیل ناوەوە یا لە دەم، چەو، یا گووش، شیواشیو کارکردن کۆئەندام دەمار، کۆما و هێڵنج و لەکارکەفتن گورچگ و هەناسەدان و جگەر.
