توومارکردن زەویلەرزەیگ نزیک زاخۆ

شەفەق نيوز/ دەسەی کەشناسی و زەویلەرزەناسی عراق، ئمڕوو یەکشەممە، خەوەردا کە روانگەیل زەویلەرزەی، زەویلەرزەیگ نزیک سنوور عراق - سوریا - تورکیا لە قەزای زاخۆ توومار کردن.

دەسەگە لە بەیاننامەیگ رەسیە ئاژانس شەفەق نیوز وت: هاز زەویلەرزەگە رەسیە (3,1) پلە، وەدویری نزیکەی (37) كم لە قەزای زاخۆ لە هەرێم کوردستان.

وەگورەی بەیاننامەگە، مەردم نزیک ئەو ناوە لە لەرزەگە ئاگادار بوینە.

هەرلیوا، هویچ راپۆرتیگ لەبان زەرەدەیل دارایی لە ئەنجام ئی زەویلەرزە تا وەخت نویسانن خەوەرەگە نەڕەسیە.