تومارکردن تویشهاتن نوویگ تەو خوینوەربوین لە هەرێم کوردستان
شەفەق نیوز/ وەزارەت تەندروسی هەرێم کوردستان، ئمڕوو یەکشەممە، تویشهاتنیگ نوو ژنیگ خەڵک پارێزگای نەینەوا کە وە مەبەست چارەسەرکردن ئەرا هەولیر بریاس راگەیان.
وەزارەتەگە لە بەیاننامەیگ رەسییە ئاژانس شەفەق نیوز راگەیان، ''تویشبویەگە ژنیگە خەڵک قەزای بەعاج سەر وە پارێزگای نەینەوە و تەمەنی ٢٧ ساڵانە و ژن ماڵە، لە دویای دەرکەفتن نیشانەیل لەلی وە مەبەست چارەسەرکردن ئەرا شار هەولیر بریاس لە خەستەخانەی فێرکاری هەولێر چارەسەر وەرگرێد.
وتیش: ''وە مدوو دەرکەفتن نیشانەیل بیماریەگە و گومان داشتن وە توشهاتنی وە تەو خوینوەربوین وشکنەن پزیشکیەیل فرەیگ و رێکارەیل چارەسەرکردن پیویست گیریاسەوەر، و هاژیر چەودێری تونیگ و چارەسەرکردن لەناو خەستەخانە''.
وەزارەتەکە داوا لە هاووڵاتیەیل کردیە "پابەن بوون وەو رێنماییەیلە وەزارەت تەندروستی دەرچگە، هەمیش لە ئەگەر گومان یا دەرکەفتن نیشانەیل بیمارییەگە لە ئاژەڵ بایەت دەسوەجی تیمە ڤێتێرنەرییە پەیوەنیدارەیل ئاگاداربکرێد''..
هەمیش داوا لەو کەسەیلە کردیە کە ئاژەڵ ئیوەت کەن یا مامەڵە وەرد بەرهەمە ئاژەڵییەگان کەن "ئەگەر هەر نیشانەیگ نائاسایی دەرکەفت وەبی دویاکەفتن دەسوەجی ئەرا خەستەخانەیل کلبکریەن''..
