تره‌مپ: وه‌خت ئه‌وه هات كورد روێ له ناوچه‌ى نه‌فت بكه‌ن
2019-10-24T20:14:42+00:00
شه‌فه‌ق نيوز/ دۆناڵد تره‌مپ سه‌رۆك ئه‌مريكا، ئاشكراى ئه‌وه كرد ك گفتگوو وه‌ل مه‌زڵوم عه‌بدى فه‌رمانده‌ى گشتى هيزه‌يل سورياى ديموكرات كردگه و جه‌خت له‌وه كردگه ك وه‌خت ئه‌وه هاتگه كورد روێ له‌و ناوچه بكه‌ن ك سه‌رچه‌وه‌يل نه‌فت له‌تيان وجوود ديرێد.
تره‌مپ له‌بان ماڵپه‌ڕ كۆنه‌لايه‌تى تويته‌ر ئه‌وه ده‌رخست ك له جه‌نراڵ مه‌زڵوم ژنه‌فتگه باس له رۆڵ وڵاته‌يل يه‌كگرتگ كردگه‌و ئه‌و رۆڵه به‌رز نرخانگه.
جى باسه، سه‌رۆك ئه‌مريكا باس له‌وه‌يش كرد ك وڵاته‌گه‌ى هويچ وه‌ختيگ رێ نايه‌ێد ريكخريگ تيرۆريستى داعش دوياره خوى ريكه‌و بخه‌ێد و ده‌س بگرێده‌ى بان سه‌رچه‌وه‌يل نه‌فتى.
