تا دیر وەخت شەو کەشوهەوای هەرێم کوردستان ناجیگیرە

شەفەق نیوز/ دەسەی کەشناسی و زەویلەرزەناسی هەرێم کوردستان، ئمڕوو یەکشەممە، مەزەنەیل دوو رووژ کەشوهەوای ناوچەگە ئاشکراکرد و راگەیان تا دیر وەخت ئمشەو کەشوهەوا ناجیگیرە.

دەسەگە لە بەیاننامەیگ کە بڵاویکردیە و ئاژانس شەفەق نیوز دیەسێ راگەیان، ئمڕوو ئاسمان نیمە ئەورە دویایی ئاڵشتبوود ئەرا ئەور تەواو وەرد نمە واران پچرپچڕ وارین لەدویایی واران وارین گشت ناوچەیل گرێدەو وەشیوەی واران رفت و کوڵە وەختیگ لە شوینەیل جیاواز گڕمەهڕ هاوەگەردی، مەزەنەکرێد اجیگیرە کەشوهەواگە تا دیر وەخت شەو وەردەوام بوود، و پلەی گەرمی  ( 2-4 ) پلەی سیلیزی داوەزیان وەخوەی دوینێد.

دیاریکرد، "سوو دووشەممڵ، ئاسمان هەرێم نیمەئەورە لەوەخت ئیوارە لە بڕیگ شوین ئاڵشتبوود ئەرا ئەور تەواو و پلەی گەرمی داوەزیان وەخوەی دوینێد".

بەرزترین پلەی گەرمی مەزەنەکریاگ ئەرا ئمڕوو:

هەولێر : 30  پلەی سیلیزی

سلێمانی : 30 پلەی سیلیزی

دهۆک : 28  پلەی سیلیزی 

کەرکوک : 33 پلەی سیلیزی  

زاخۆ  : 29 پلەی سیلیزی

هەڵەبجە : 30 پلەی سیلیزی

سۆران : 24 پلەی سیلیزی

حاجی ئۆمەران :19 پلەی سیلیزی

گەرمیان : 33 پلەی سیلیزی.