یەکێتی وە فەرمی راگەینێد: بەرهەم ساڵح کاندیدمانە ئەرا سەرۆکایەتی کۆمار

شەفەق نیوز/ یەکێتی نیشتمانی کوردستان، ئمڕوو چوارشەممە، راگەیان ک کاندید فەرمیی ئەرا پۆست سەرۆک کۆمار عراق خوەی بەرهەم ساڵحە.

سۆران جەماڵ تاهر قسەکەر یەکێتی نیشتمانی کوردستان لە بەیاننامەیگ رەسیە ئاژانس شەفەق نیوز وت: ئەرا گشتی دیاری کەیمن ک کاندید فەرمی یەکێتی نیشتمانی کوردستان ئەرا پۆست سەرۆک کۆمار خوەی بەرهەم ساڵحە.

وتیش: خوازیمن خزمەت گشتی بکەیمن و بویمنە مقەیەتیکەر دەستوور و مافەیل نەتەوەیی وەڕی پۆست سەرۆک کۆمار.

ئی دووپاتکردنە دویای ئەوە تیەێد ک میدیایل راگەیانن و سایتەیلیگ لەبان سۆشیال میدیا خەورەیلیگ بڵاو کردن ک گوایە یەکێتی رازی وە کاندیدکردن عەبدولەتیف رەشید ئەرا پۆست سەرۆک کۆمار بویە، و کاندیدکردن بەرهەم ساڵح کیشاسەو.