بارزانی لە ساڵیاد جینۆساید کورد فەیلی: زنجیرە تاوانەیلیگ ئەرا ویرانکردن گەل کورد بوی
بارزانی لە بەیاننامەیگ رەسیە ئاژانس شەفەق نیوز وت: سەرنقومکردن هەزاران لە گەنجەیل فەیلی و بیسەروشوینکردن و بیبەشکردن هەزاران لە برا و خوەشکەیل کورد فەیلی لە ناسنامەی خوەیان وەلایەن رژیم وەرین عراق، لەناو زنجیرەی تاوانەیل ڕێکخریاگ دریەێدە قەڵەم ک حکومەتەیل لەشوینیەک عراق لە سەدەی بیس جیوەجیی کردن، ئەرا کوشتن و بڕین و ویرانکردن گەل کورد لە عراق.
بارزانی وتیش: برا و خوەشکەیل لە کوردەیل فەیلی زیان فرەیگ لەناو دەوڵەت عراقی وەخوەیان دین، و تەنیا تاوانیان ئەوە بوی ک خوەیان کوردن، بایەتە حکومەت عراق ئەرک خوەی جیوەجی بکەێد لە قەرەبووکردن و چارەکردن گرفتەیل و لەناوبردن شوینەواری ئەو جینۆسایدە لەبان کورد فەیلی وە زویترین وەخت.
وتیش: لە ٤٣مین ساڵیان جینۆسایدکردن کورد فەیلی، سڵاو ئەرا گیان هەزاران شەهید لە کوردەیل فەیلی.
وتیش: رۆڵ خوەشک و برا فەیلیەیل و لایەنگرییان ئەرا باوەت نیشتمانیی و بزووتنەوەی ئازادیخواز کوردی، هەمیشە شایستەی شانازی و رێزگردنە.
جی باسە ک رژیم وەرین وە سەرۆکایەتی سەدام حسێن، ئەرا ماوەی سی ساڵ هەزاران لە گەنجەیل کورد فەیلی وەرەو شوینەیل نادیاریگ سەرنقوم کرد، و هیمان چارەنویسیان نادیارە، و مەزەنە کریەێد لەناو زیندان کوشیانە یا زنیوەچاڵ کریانە.
