بی سەروشوینبوین دوو رووژنامەنویس کورد لەوەخت رووماڵکردن رویداوەیل شار سەحنایە لە ئاوایەیل دیمەشق
شەفەق نیوز/ پەیامنێر ئاژانس شەفەق نیوز،ئمڕوو پەنجشەممە، راگەیان لە دویەکە چوارشەممەو پەیوەنی وەرد رووژنامەنویس ئەکرەم ساڵح، پەیامنێر کەناڵ هەشت و فۆتۆگرافەر جودی حاج عەلی، لە وەخت رووماڵ وەردەوەردەیل ناوچەی سەحنایە لە ئاوایەیل دیمەشق بوین.
پەیامنێرەگە ئاشکرایکرد، دوو رووژنامەنویسەگە وە رەچەڵەک خەڵک قامیشلۆن و لە کۆتایی ساڵ وەرین لە رمیان رژێم بەشار ئەسەدەوە وە فەرمی لە دیمەشق پایتەخت سوریا کار کەن.
رووژنامەنویس لە دیمەشق وە ئاژانس خەوەری شەفەق نیوز راگەیاند، "هاوکارەیلمان ئەکرەم و جودی لە وەخت رووماڵکردن راستەوخوەی بوینە ئەرا کەناڵەیلیان لە نزیک دەروازەی چگنە ناو شار ئەشرەفیە سەحنایە کە نزیکە لە رێگای خێرا، کە هێزەیل ئاسایش گشتی سوریا لەلی جیگیرکریایە، وەرجە ئەوەگ پەیوەنیان وەردیان بورێد".
لای خوەیشەو تووڕ رووژنامەنوسەیل کوردی سوریا، لە بەیاننامەیگ، نیگەرانی قویڵیگ خوەی لە نادڵنیایی چارەنویس رووژنامەنویسەیل نیشاندا و دوا لە وەزارەتەیل راگەیاندن و ناوخوەی لە حکومەت نوو سوریا کرد، وەگەرد لایەنە ئەمنی و سەربازییە پەیوەنیدارەیل، ریوشوین دەسوەجی بگرنەوەر ئەرا ئاشکراکردن شوینیان و دڵنیابوین لە سەلامەتییان.
تووڕەگە دووپاتکرد، دوو رووژنامەوانەگە وە مووڵەت فەرمی کارکەن کە لە وەزارەت راگەیانن و فەرمانگە میدیاییە سەر وە خوەیەو دەرچگە، داواش لە میدیا ناوخوەیی و ناودەوڵەتیەیل و رێکخریاگەیل ماف مرۆڤ کەێد دەسوەجی هاودەنگی دەربوڕن و فشار بخەنە بان لایەنە پەیوەندیدارەیل ئەرا ئاشکراکردن چارەنویس رووژنامەوانەیل.
