بەرهەمهاوردن لە کوردستان و عراق لەبان مێز نێچیروان بارزانی و خانمە دیبلۆماتیکاریگ ئیماراتی
شەفەق نيوز/ نێچیروان بارزانی سەرۆک هەرێم کوردستان، ئمڕوو سێشەممە، وەگەرد خانمە جیوەجیکار کاروبار قونسوڵخانەی گشتی دەوڵەت ئیمارات لە هەرێم کوردستان شێخە بەشیر فەرحان، باس دەرفەتەیل بەرهەمهاوردن لە هەرێم کوردستان و عراق کرد.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: لە رووژ سێشەممە 17ی حوزەيران 2025، نێچیروان بارزانی سەرۆک هەرێم کوردستان، پیشوازی لە شێخە بەشیر فەرحان جیوەجیکار کاروبار قونسوڵخانەی گشتی ئیمارات لە هەرێم کوردستان کرد، وەگەردی باس پەیوەندییەیل ناوەین کوردستان و ئیمارات کرد.
بەیانامەگە وتیش: لە دیدارەگە بارزانی پیرووزبایی لە شێخە کرد وەبوونەی وەرگردن ئەرکەیل پۆستەگەی کرد، و باس ئومیدی ئەرا سەرکەفتنی کرد، و دووپات لە پشتگیریکردن و پاڵپشتیکردن لایەنەیل پەیوەندیدار بە هەرێم کوردستان ئەرا جیوەجیکردن ئەرکەیلی وە خاسترین جویر کرد.
لەلای خوەییش، خانمە وەرپرس ئیماراتی سڵاو و رێز محمد بن زاید ئاب نهەیان سەرۆک دەوڵەت ئیمارات، و سەرکردایەتی وڵاتەگەی گرنگی ئەرا بارزانی رەسان، و دووپات لە ئارەزوو ئیمارات کرد ئەرا گەشەپیدان و قایمکردن پەیوەندییەیل وەرد هەرێم کوردستان.
بەیانامەگە وتیش: لە دیدارەگە باس دەرفەتەیل کار و بەرهەمهاوردن ئیمارات لە عراق و هەرێم کوردستان کریا، وەگەرد دویاترین نووەوبویەیل لە ناوچەگە.
