ئاوارەس لە شنگال.. خنکیان دویەتیگ ناو بیس ساڵان لە چەم خابوور

شەفەق نيوز- دهۆك 

سەرچەوەیگ ئەمنی لە ئیدارەی سەروەخوەیی زاخۆ لە پارێزگای دهۆک، ئمڕوو شەممە، خەوەردا لە خنکیان دویەتیگ ئاوارە خەڵک قەزای شنگال لە چەم خابوور.

سەرچەوەگە ئەرا ئاژانس شەفەق نیوز وت: دویەتیگ لە تەمەن 21 ساڵان، لەناو کەمپ مشکۆ خوەرئاوای شار زاخۆ نیشتگە، وەگەرد خوەشکەی بویە لەناو یەکیگ لە بووسانەیل پەتاتە.

 وتیش: دویای تەواوکردن کار، بڕیار دان لەناو چەمەگە مەلەوانی بکەن، و دویەتەگە لەورا خنکیا، دیاری کرد کە تیمەیل رزگارکردن لە فەرمانگەگە توەنستن تەرم دویەتەگە دران و ئەرا پزشک دادوەری لە زاخۆ کلی کردن.