ئاسەواری دهۆک دەسکەێد وە پلاندانان ئەرا خاسەوکردن شەش شوین ئاسەواری لە ئامێدی (وینە)
شەفەق نیوز/ فەرمانگەی ئاسەوار دهۆک، ئمڕوو پەنجشەممە، راگەیان دەسکردیە وە دانان میکانیزمیگ تایوەت وە ئامانج خاسەوکردن شەش شوین ئاسەواری دیار لە قەزای ئامێدی باکوور پارێزگاگە.
وەڕێوەبەر فەرمانگەگە بیکس بریفکانی وە ئاژانس شەفەق نیوز وت: " ئەو شوینەیلە خاسەوکردنەگە گرێدەیانەو بریتین لە مەکتەو قوبەهان، و قەورسان شازادەیل، مزگەفت ئامێدی، و مەزارگەی پیر حەزان، دووڵ سیریجکێ، وەرد کەنیسەی کلدانیەیل".
ئاشکرایکرد، "ئێ شوینەیلە بەشیگ گرنگن لە ئاسەوار مێژوویی و روشنهویری ناوچەگە بەڵگەیل قویلیگ گرنەخوەیان لەباوەت مێژووی شاریگ دێرین".
دیاریکرد " لەدویای شمارەیگ لە کووبونەوە و هەماهەنگی هاوبەش ناوەین فەرمانگەی ئاسەوار و رێکخریاگەیل ئێکسبرتیز فرانس و سیدیل فرنسیتینو وە هاوکاری وەرد لایەنەیل پەیوەنیدار پارێزگای دهۆک دەسوەپیکریاس".
وتیش "فەرمانگەگە خولیگ راهێنان رێکخستیە و ماوەی هەفتەیگ وەردەوامە ئەرا شمارەیگ لە مەردم ناوچەگە وە ئامانج بەرزەوکردن زانیاری لەبان ریگەیل خاسەوکردن و وەکارهاوردن سەنگ و تەکنیکەیل گونجیاگ لە خاسەوکردن شوینەیل ئاسەواری و خولەگە وە سەرپەرشتی ئەندازیارەیل پسپۆر لەی مژارە وەڕیوەچوود".
