کابرایگ تیشە وەدەس پەلامار کەسەیل ناو ئاهەنگ "ئەکيتۆ" دەێد لە دهۆک
شفەق نيوز/ سەرچەوەیگ ئەمنی، ئمڕوو چوارشەممە، خەوەردا کە کابڵتیگ نەناسیای پەلامار کەسەیلیگ دا لەناو ئاهەنگ ئەکیتۆ (سەر ساڵ ئاشووری بابلی) لە شار دهۆک، و تیشە وە دەسیەو بویە.
وەگورەی ئەو سەرچەوە کە ئەرا ئاژانس شەفەق نیوز وت: پەلامارەگە بویە هوکار زەخمداری سەخت ژنیگ و کوڕیگ گەنج، و ئەرا خەسەخانە بریان، و تەندروسییان نائارامە.
پارێزگای دهۆک، ئمڕوو سێشەممە، ئاهەنگ گەورەیگ وەخوەی دی وە بوونەی جەژن ئەکیتۆ، سەر ساڵ ئاشووری بابلی، لەناو ئامادەبوین جەماوەری فراوانیگ لە جویراجویر پارێزگایەیل عراق، و بڕیگ لە دەوڵەتەیل جەهان.
ریپیوان ئاهەنگەگە لە وەردەوام کلیسای مەریەم ئەدرا ناوڕاس شار دهۆک دەسوەپی کرد، کە بەشداربویەیل لەبان جادەی سەرەکی کەفتنە ری تا رەسینە شوین ئاهەنگە لە کۆمەڵگەی مازی.
لە ریپیوانەگە، کەسەیل ناو ئەو ئاهەنگە پەرچەم و دروشمەیل بوونەگە بەرزەو کردن، و هەڵپەڕکە و سەمای فولوکلۆری لەناو جادەیل شارەگە کردن، وە شیوەیگ کە داب و نەریتەیل ئاشووری نشان دان.
