ئاگاداری زویوەزوی لە ناوچەیگ کوردستانی: نزیک ئەو شوین نەکەفن
2024-05-03T10:00:55+00:00
شەفەق نیوز/ وەرێوەبەرایەتی وەرگری شارستانی لە ئیدارەی سەروەخوەی راپەڕین لە هەرێم کوردستان، ئمڕوو جمعە، داوا لە هاوڵاتیەیل پشدەر کرد، لەو شوینە نزیک نەکەفن کە یەکیگ لە بوتڵەیل کلۆر ئاو لەلی نزە کەێد لە پرۆژەی ئاو خاس، تا ئەو وەختە گیچەڵەگە چارەسەر کریەێد و بیوەیی شوینەگە مسۆگەر بوود.
وەرێوەبەرایەتیەگە، لە بەیاننامەیگ رەسیە ئاژانس شەفەق نیوز وت: “غاز کلۆر یەکیگە لە گازە ژەهراویەیل و فرە زوی بڵاوەو بوود و کاریگەری بەد لەبان ژینگە دروس کەێد”.
وەگورەی بەیاننامەگە؛ دزەکردن کلۆرەگە رخیگ لەبان دانیشتگەیل ئاوای بانەوشان و ناوچەیل دەورگرد پڕۆژەی ئاو خاس دروسکردگە و شمارەیگ لە خەڵک ئاوایەگە تویش تەنگەهەناسە بوین، ئمجا فرەی خەڵک ئاوایەگە ماڵەیلیان وەجی هیشتن.
وەرجەیە وەڕێوەبەرایەتی پەلیس ناوچەی راپەڕین لە هەرێم کوردستان راگەیان کە لەوەر تەقیان تانکییگ کە کلۆر لەناوی بویە لە پرۆژەیگ ئاو لە ناحیەی قەڵادزێ، پولیسیگ گیانی لەدەسدا و پولیسیگ ترەک تویش تاسیان هات.
