100 كارمه‌ند ته‌ندروستى له سلێمانى تويش ڤايرۆس كۆرۆنا هاتن
2020-06-13T20:38:10+00:00
شه‌فه‌ق نيوز/ لق سلێمانى سه‌نديكاى كادره‌يل ته‌ندروستى، ئاشكراى ئه‌وه كرد نزيكه‌ى 100 كارمه‌ند ته‌ندروستى له مه‌رزه‌يل پاريزگاگه تويش ڤايرۆس كۆرۆنا هاتنه له‌وه‌ختيگه‌و ڤايرۆسه‌گه له پاريزگاگه ده‌ركه‌فتگه.
له‌ى باوه‌ته‌و، هاوژين عوسمان له باسيگ ئه‌را ئاژانس شه‌فه‌ق نيوز وت: نزيكه‌ى 100 كارمه‌ند ته‌ندروستى و شوفێر له مه‌رزه‌يل پاريزگاگه تويش ڤايرۆس كۆرۆنا هاتنه له‌وه‌ختيگه په‌تاگه له پاريزگاگه په‌يا بويه.
عوسمان ئاماژه وه‌يه‌يش كرد به‌شيگ له‌وانه خاسه‌و بوينه‌و چينه‌سه ناو ماڵ و مناڵ خوه‌يان و به‌شيگيش له‌ليان هيمان هانه ژير چه‌وديرى ته‌ندروستى.
