پەرلەمان هووکارەیل دیرکەفتن خەرج مووچە لە وەزیر دارایی پرسید
شەفەق نیوز/ دەسەی دارایی پەرلەمانی، ئمڕوو جومعە، ئاشکراکرد لە میوانکردن عەلی عەلاوی وەزیر دارایی ئەرا زانستن هووکارەیل دیرکەفتن لە خەرج مووچەی فەرمانبەرەیل ئەرا مانگ تەمووز. بانک ناوەندی عراق، چوارشەممە، راگەیان لە دابینکردن مووچەی فەرمانبەرەیل ئەرا مانگ تەمووز، و بانکەگە وت: ئەوەسا مووچەگان وەیەک تەکان دابەشکریەن وەرجە جەژن قوربان. ئەحمەد سەفار بریكار دەسەگە ئەرا ئاژانس شەفەق نیوز وت: چوارشەمەی گوزەیشتە، دەسەی دارایی پەرلەمانی کۆبونەوەیگ بەسا، وە شیوەی ئۆن لاین، لەناوی رێککەفتن لەبان میوانکردن عەلی عەلاوی وەزیر دارایی و جیگر و وەرپرسەگان لە وەزارەتەگە ئەرا هەفتەی ئایندە. وتیش: میوانیکردنەگە باس دیرکەفتن حکومکەت کەێد لە رەوانەکردن فه‌رمان چاکسازیه حکومەتیەگە ئەرا ئەنجومەن نوێنەران، و هووکارەیل دیرکەفتن خەرج مووچەی فەرمانبەرەیل ئەرا مانگ تەمووز، وەتایبەت لە دویای دابینکردن مووچەیلیان لە بانک ناوەندی. سەفار هەمیش وت: وەرپرسەیل لە وەزارەت دارایی هاوکار نیین وەگەرد دەسەی دارایی و ئەندامەیل پەرلەمان، و دووپاتکرد ک پویلەگە دابینکریاگە لەلایەن حکومەت، و دیرکەفتن خەرج مووچەگان هیچ دەسپیچیگ نەیرێد.
