پۆليس دياله 16 داواكرياێ ده‌سگير كرد
2020-05-30T11:32:10+00:00
شه‌فه‌ق نيوز/ سه‌ركردايه‌تى پۆليس دياله، ئاشكراى ده‌سگيركردن 16 داواكارياێ كرد وه تومه‌ته‌يل تيرۆرۆيستى و تاوانكارى له ناوچه‌يل جياجياى پاريزگاگه له ماوه‌ى دو رووژ گوزه‌يشت.
له‌ى باوه‌ته‌و، عه‌ميد نوهاد مه‌هداوى قسه‌كه‌ر وه‌ناو سه‌ركردايه‌تيه‌گه له به‌ياننامه‌يگ رووژنامه‌نويسى ئه‌را ئاژانس شه‌فه‌ق نيوز وت: دوريه‌يل به‌ش پۆليس به‌نى سعه‌د و به‌ش پۆليس ئه‌بى سه‌يدا و مه‌فره‌زه‌يل دژه تاوان سێ داواكرياى وه‌گووره‌ى ماده‌ى 4 تيرۆر ده‌سگير كردنه.
مه‌هداوى وت: ده‌وريه‌يل و مه‌فره‌زه‌يل به‌ش پۆلييس مه‌نسوريه و قه‌ره‌ته‌په و جه‌له‌ولاو هبهب و دژه تاوان 13 داواكرياێ تر وه تومه‌ته‌يل تر جياجيا ده‌سگير كردنه‌و باس له‌وه‌يش كرد ك رێ وشوونه‌يل ياسايى ده‌رهقيان وه‌رئه‌گريه‌ێد له‌وه‌ر هه‌واڵه‌كردنيان ئه‌را دادگا.
