پاسه‌پۆرت عراقى جاريگتر كه‌فته دويا پله‌ى پاسه‌يۆرته‌يل له جه‌هان
شه‌فه‌ق نيوز/ پاسه‌پۆرت فره‌نسى ئه‌را هه‌يشته‌مين ساڵه له‌شوون يه‌ك كه‌فته‌سه پله‌ى يه‌كه‌م وه ريژه‌ى 83,5 له جه‌م 100%.
دوياى ئه‌ويش ئه‌ڵمانيا وه پله‌ى دويه‌م هات وه رژه‌ى 82,8% و له‌شوون ئه‌ويش دانيمارك وه ريژه‌ى 81,7% و له پله‌ى چواره‌ميش سويد و نه‌رويج وه‌يه‌كه‌و وه ريژه‌ى 81,5% و دوياى ئه‌وانيش ئايسله‌ندا وه ريژه‌ى 81,4%.
وه‌ل ئه‌وه‌يشا فنله‌نداو ئيتاڵيا و به‌ريتانيا و ئێرله‌نداو ئسپانيا كه‌فتنه‌سه 10 ده‌وڵه‌ت يه‌كه‌م له ريزبه‌ندى ده‌وڵه‌ته‌يل. روسيايش وه پله‌ى 62 هات وه ريژه‌ى 42% ك يه‌يش خاسترين ئه‌نجامه ئه‌را روسيا له مێژوو ئاماره‌يل.
جىباسه، له‌ناونى پاسه‌پۆرته‌يل عه‌ره‌بييش ئيمارات وه پله‌ى 42 هات ك يه‌كه‌م بوێ له‌ناونى ده‌وڵه‌ته‌يل عه‌ره‌بى و دوياى ئه‌ويش كوه‌يت وه پله‌ى 70 و سه‌ڵته‌نه‌ى عومان و قه‌ته‌ر وه پله‌ى 78 و سعوديه وه پله‌ى 81 و تونس وه پله‌ى 107 و مه‌غرب وه پله‌ى 113 و جه‌زاير وه‌پله‌ى 118 و ئوردن وه‌پله‌ى 121 و مسر وه‌پله‌ى 127و فلستين وه‌پله‌ى 139 و ليبيا وه‌پله‌ى 145 و عراق وه‌پله‌ى 149 و سودان وه‌پله‌ى 151 و يه‌مه‌ن وه‌پله‌ى 155 و سوريا وه‌پله‌ى 156 و باشوور سودان وه‌پله‌ى 157 له جه‌م 160 ده‌وڵه‌ت جه‌هانى.
