وه فه‌رمان كازمى.. چه‌ته‌يل "بێت سه‌لوم"ده‌سگير كريان
شه‌فه‌ق نيوز/ دزگاى دژه تاوانه‌يل به‌غدا، ئاشكراى ئه‌وه كرد ئه‌ندامه‌يل سه‌ر وه چه‌ته‌يل"بێت سه‌لوم"خوه‌يان راده‌س كردنه‌سه نويسينگه‌ى تاوانه‌يل كازميه، ئه‌ويش دوياى ئه‌وه‌گ حاڵيان هاته‌سه ته‌نگ له‌لايه‌ن هيزه‌يل ئه‌منييه‌وه.
ده‌زگاگه له به‌ياننامه‌يگ ئه‌را ئاژانس شه‌فه‌ق نيوز وت: له‌وه‌ر جيوه‌جيكردن فه‌رمانه‌يل سه‌رۆك وه‌زيره‌يل و وه‌زير ناوخوه‌يى و جواودانه‌وه‌ى باانگه‌واز هاووڵاتيه‌يل بيتاوان و وه‌ل وه‌رده‌وامى كار تيم دامه‌زرياێ له وه‌ڕيه‌وبه‌رايه‌تى دژه تاوان به‌غدا و هه‌وڵ ته‌كنيكى ده‌زگاى هه‌واڵگيرى و ده‌رئه‌نجام فشار وه‌رده‌وام ئه‌را ده‌سگيركردن چه‌ته‌يل بێت سه‌لوم و وشكانن شوونه‌يليان و گه‌مارۆداينيان له‌گشت ناوچه‌يليگ ك وجوود له‌تى ديرن له(تاجى، كازميه، به‌ياع، سه‌يديه، به‌غداد جديده، شار سه‌در، حه‌بيبيه)، ناچاريان كردگه خوه‌يان راده‌س وه نويسينگه‌ى تاوانه‌يل كازميه بكه‌ن و سه‌ر ئه‌را ياسا بچه‌منن.
جى باسه، به‌ياننامه‌گه يه‌يش ده‌رخست ك ئه‌ندامه‌يل ئه‌و چه‌ته‌يله پيكهاتنه له هه‌ريه‌ك له: ( ف. س. عز ، ع. ف. س. ، ف. ر. س، ع. ر. س.، ا. ع. ز.)"، ئاماژه وه‌يه‌يش كرد راده‌س وه بنگه‌ى پۆليس كازميه كريانه له‌وه‌ر وازكردن په‌يجوورى ده‌رهه‌قيان و هه‌واڵه‌كردنيان ئه‌را لايه‌ن دادوه‌رى وه‌گووره‌ى ماده‌يل(342-430-432)له سزايه‌يل عراقى تا بدێده عبره‌تيگ ئه‌را هه‌ركه‌سيگ وازى وه ئاسايش و ئه‌منيه‌ت هاووڵاتيه‌يل و كۆمه‌ڵگا بكا.
