کوشیان و زەخمداری وە مرافەیگ لە بازی تۆپان

شەفەق نيوز/ لە زنجیرەی مرافەیل هووزانە،.پە ناوچەیل باشوور عراق،  ناوچەی سوق شیوخ لە پارێزگای زیقار جەنگ گەورەیگ دۊیای مرافەیگ لەباوەت بازی تۆپان وەخوەی دی.        

ئەو رۊیوەڕۊیبۊین هووزانە، تا ئیسە بۊیە خۆینی ٣ کەس، و زیاتر لە ١٠ کەس زەخمدار بۊن، و مرافەگە رەسیە چەن ناوچە و ناحیەیگ لە پارێزگاگە.     

وەچەودیەیلە باس کردن ک بازی تۆپان لە باکوور ناحیەی سوق شیوخ کریا، و لەناوی بۊیە مرافەیگ لەناو گەنجەیلیگ ک ئەرا تەماشاکردن ئامادەی بازیەگە بۊینە، ئیجا مرافەگە رەسیە جەنگ ناو جادەیلە، و هووزەیل هەردوگ لایەنەگە دەسدانە وەر و بۊیە تەقەکردن.