کوشیان ژنیگ و گەنجیگ لە دوو تاوان جیاجیا لە کەرکوک
2023-01-19T10:12:03+00:00
شەفەق نیوز/ سەرچەوەیگ ئەمنی، ئمڕوو پەنجشەممە، خەوەردا لە کوشیان ژنیگ و گەنجیگ لە دوو تاوان جیاجیا لە پارێزگای کەرکوک.
سەرچەوەگە ئەرا ئاژانس شەفەق نیوز وت: ژنیگ لە تەمەن ٣١ ساڵە وە گولەی شویەگەی لە گەڕەک خەزرا لە کەرکوک کوشیا.
سەرچەوەگە وتیش: ئەو ژن و شویە لە پاریزگاری بەغداد نیشتەجیین، چینەسە کەرکوک تا سەردان خوەشک پیاوەگە بکەن، و دویەشەو مرافەیگ کەفتیەسە ناوبەین ژن و شویەگە، و پیاوەگە وە گولە ژنەگەی کوشتیە.
هەرلیوا، سەرچەوەگە وتیش: گەنجیگ وەناو هاوڕێ لەتیف لە تەمەن ٢٧ ساڵان لەناو مرافەیگ وەگەرد برادەرەگەی کوشیاگە، ک برادەرەگەی وە بیەڵ کوشتیەسەی، ئەوەیش لە ئاوای چیمەن لە کەرکوک، لەبان گرفتیگ لە کارکردن، وتیش: توومەتبارگە خوەی دا دەس بنکەی پولیس رەحیم ئاوا.
