کوشیان ٥ کەس دوو برا هاناویان و زەخمداری ١٠ی تر لە رووداوەیل عراق
2021-05-21T11:10:22+00:00
شەفەق نیوز/ سەرچەوەیگ پزشکی لە فەرمانگەی تەندروسی زیقار، ئمڕوو جمعە، خەوەردا لە کوشیان و زەخمداری ١٢ کەس لە رووداویگ هاتووچو لە خوەرهەڵات شار ناسریە.
سەرچەوەگە ئەرا ئاژانس شەفەق نیوز وت: رووداویگ لەیەکداین دوو ماشین ساڵۆن لەبان ری قەزای فهود - ناسریە بویە هووکار کوشیان ٥ کەس دوانیان بران، و ٧ کەس تر زەخمدار بوین.
لەلاییگ تر، پارێزگاگە مرافەی چەکداریگ لەناونی سەرخوەشەیلیگ وەخوەی دی، بویە هووکار ٣ زەخمدار لەناو ناسریە.
سەرچەوەگە وتیش؛ مرافەی چەکداریگ کەفتە ناونی سەرخوەشەیلیگ لەناوچەی حەی ئەمیر لەناوڕاس شار ناسریە، سێ زەخمدار لەلی بویەو، دووانیان وەگولە زەخمدار بوین، وتیش؛ مرافەگە لەبان قەرزیگ زوی لەناویان بویە.
