واران و داوەزیان پلەی گەرمی.. کەشوهەوای عراق لەی رووژەیل بانانە
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو چوارشەممە، لە ناوچەی ناوڕاس ئەور و سەردە وەگەرد واران سووکیگ، جاروباریش تریشقە هاوەگەردی و لە مەوقەی شەو خاسەو بوود، و لە ناوچەی باکوور ئەور و سەردە وەگەرد ورانیگ تایبەت لە بەشەیل خوەرھەڵاتی، و مەزەنەی وەفروارین لە بەرزایی کویەیلە، و لە ناوچەی باشوور ئەور و سەردە وەگەرد نمە وارانیگ جاروبار بەڵاچە وەگەردی دروس بوود، و پلەی گەرمی لە بەشەیل ناوڕاس و باشوور چەن پلەیگ نزمەو بوود، و لە بەش باکوور نزیک رووژ وەرجە خوەیە.
وتیش؛ رووژ پەنجشەممە، رووشن و سەردە وەگەرد لەکە ئەوریگ، و پلەی گەرمی لە گشت وڵاتەگە نزیک رووژ وەرجە خوەیە.
دیاری کرد کە کەشوهەوای رووژ جمعە، رووشن و سەردە، و پلەی گەرمی لە گشت وڵاتەگە نزیک رووژ وەرجە خوەیە.
دەسەگە وتیش: کەشوهەوای وڵاتەگە ئەرا رووژ شەممەی ئایندە، لە وڵاتەگە ئاسمان رووشنە ز پلەی گەرمی چەن پلەیگ بەرزەو بوود.
