وێنە.. رسوومەیل ماڵئاواییکردن فەرمی و جەماوەری ئەرا قوربانیە ئەیزیدیەگان لە بەغداد
شەفەق نیوز/ ئمڕوو پەنجشەممە، لە پەیکەر شەهید (نصب شەهید) بە بەغداد پایتەخت، رسوومەیل فەرمی و جەماوەری ئەرا ماڵئاوایی لە ژمارەیگ لە قوربانیە ئەیزیدیەگان وەڕیەو چگ، ک لەبان دەس ریخریاگ داعش لە ساڵ٢٠١٤ کوشیان.
هەر لە بەرهەم ساڵح سەرۆک کۆمار، و موستەفا کازمی سەرۆک وەزیران، و حەسەن کەعبی جیگر سەرۆک پەرلەمان و فوئاد حسێن وەزیر دەرەوە و وەرپرسە گەوراگان و سەرۆکەیل شاندە دیبلۆماسیەگان لە عراق بەشدار رسوومەگان بوین، هەمیش ژمارەیگ لە کەسوکارەیل قوربانیەگانیان.
سەرۆک کۆمار لە تویتیگ ئاژانس شەفەق نیوز چەودیریی کرد و چەن وێنەیگ وەگەردی بڵاو کرد و نووسان: ئەیە رسوومەیل ماڵئاوایی لە ژمارەیگ لەو قوربانییەیلەس ک داعش تیرۆرست کوشتەیان و ئەوەسا لە ئاوای کوجو ک شوون تاوانەگە تیرۆریەگە بوی ک خوینینی داعش نشان دەێد وەخاکسپاریەن.
وتیش؛ ئەوەگ وەسەر کوڕ و دویەتەیلمان لە جووراجور ئاینەگان ومەزهەبەگان هات خوەی زەخمیگە ئەرا گشت هاووڵاتییگ، سەرکەفتن ئەرا قوربانیەیل ئەرک دەوڵەت لە دادکردنیان.
