وێنە.. خۆپیشاندەرەگان زیقار هەڵوێست بەرزەو کەن و رویوەڕوبینەیلیگ لە وەردەم بینای پارێزگاگە

شەفەق نیوز/ دەیان لە خۆپیشاندەرەگان لە پارێزگای زیقار، ئمڕوو سێسەممە، دەسکردنە بەرزەوکردن هەڵوێستیان لە داواکاری لاوردن پارێزگار نازم وائلی.

پەیامنێر ئاژانس شەفەق نیوز وت: دەیان لە خۆپیشاندەرەگان دەسکردنە بەرزەوکردن هەڵویستیان وەداوای دەسهەڵکردن پارێزگار نازم وائلی لە پۆستەگەی، و ئاماژە کرد ک بەرزەوبوینەگە رەسیە بڕین پوڵ نەسر لەناوڕاس پارێزگاگە.

وتیش؛ خۆپیشاندەرەگان لە نزیک بینای پارێزگاگە کەفتنە رویوەڕوبینیگ وەگەرد هێزە ئەمنیەگان، و نەیشتن کونتڕۆڵ جادەی ئیمام عەلی بکەن.