وەسێدارەدان تاوانباریگ مناڵیگ لە بازاڕیگ نەجەف لەوەر چەو مەردم سەر بڕیە
2023-10-11T10:21:00+00:00
شەفەق نیوز/ دادگای نەهیشتن تاوانەیل نەجەف، ئمڕوو چوارشەممە، فەرمان وەسێدارەدان لەبان تاوانباریگ دەرکرد، کە سەر مناڵیگ وە چەقوو بڕیە، لە وەر چەو مەردم و ریوارەیل.
ناوەند راگەیانن ئەنجومەن دادوەری باڵا لە بەیاننامەیگ وت: تاوانبارەگە چەقوویگ سەنیە و ئەو مناڵ سیانزە ساڵانە شێر بڕیە و سەری لە لەشی جیاوە کردیە، لەناوڕاس بازاڕ ئەنسار لە شار نەجەف لەوەردەم مەردمەگە.
وتیش؛ دادگا نووڕیە ئەو بەڵگەیلە ئەرا تاوانبارکردنی وەگورەی مادەی 406 /1/ج لە یاسای سزادان عراقی.
لە ١٧ی مانگ ئەیلوول گوزەشتە، سەرچەوەیگ ئەمنی لە پارێزگای نەجەف ئەرا ئاژانس شەفەق نیوز وت: پیاییگ لەناوڕاس شارەگە سەر مناڵیگ بڕیە.
سەرچەوەگە وتیش: پیاییگ لەناو تەمەن چل ساڵە سەر مناڵیگ لەتەمەن ١٤ ساڵان لەناو بازاڕ ئەنسار ناوڕاس شار نەجەف بڕیە.
