وەزارەت ناوخۆ ئەنجام لێکۆڵینەوە تایبەتەگە له‌باوه‌ت رووداوەیل مەیدان تەیەڕان ئاشکرا کەێد

شەفەق نیوز/ عوسمان غانمی وەزیر ناوخۆ، ئمڕوو پەنجشەممە، کوشتن دوو کەس لە خۆپیشاندەرەگان لە مەیدان تەیەڕان لە بەغداد راگەیان ، وە گولەی تفەنگ هێزە ئەمنیەگان، لە وەخت ناڕەزایەتیەگان رووژ دووشەممەی گوزەیشتە لە ٢٧ ئی مانگە.

ئەویش لە کۆنگرەیگ رۆژنامەوانی ئەرا راگەیانن دەسەی ئاشکراکردن راسیەگان لە رووداوەیل مەیدان تەیەڕان.

غانمی وت: ئەنجامەیل لێکۆڵینەوەگە لە بان بنەمای جوولەکردن لێکۆڵینەوەگە و راپۆرتەیل پزشکی دادوەری دەرچگن، و دووپاتکردن ک دوو شەهیدەگە وە تفەنگ راو – ساچمە- لەروویان وەکار هاوریاگە، ک بویە هووکار کوشتنیان، لە لاین دوو ئەفسەر وە شیوەی ره‌فتار كه‌سی .

وتیش؛ دادوەر لێکۆڵینەوەگە بڕیاردا وە گردن ئه‌و دوو ئەندامە وه‌ توومەت تەقەکردن لە خۆپیشاندەرەیل.