هيزگردن ئاگر لەناو خەسەخانەیگ تەواونەکریاگ لە بەغدا.. ڤیدیۆ
2024-06-22T13:37:02+00:00
شەفەق نیوز/ سەرچەوەیگ ئەمنی، ئمڕوو شەممە، خەوەردا کە تیمەیل وەرگری شارستانی تەقەلای کپەوکردن ئاگریگ لەناو ئەمار خەسەخانەی بنووک تایبەت دەن کە هاژیر بیناکردن لە ناوچەی شەعب باکوور بەغدای پایتەخت.
یەیش دویەم رویداوە وەیجویرە لە ماوەی ساعەتەیل کەم گوزەشتە لە بەغدا، کە ئاگر لەناو بینایگ بازرگانی لە بازاڕ شۆرجە هیز گرد، کە گەورەترین بازاڕە لە ئاست بەغدای پایتەخت و گشت عراق.
عەبدول ئەمیر شمەری وەزیر وەرگری عراق، دویەکە جمعە، فەرمان داگە وەڕیەوبەرایەتی وەرگری شارستانی بکەفێدە ئامادە باشی لەماوەی وەرز تاوسان وەگەرد بەرزەوبوین ریژەی ئاکرەیل لە وڵات.
