یۆنامی داوای چووڵکردن بینایل حکومەتی کەێد
شەفەق نیوز/ شاند نەتەوە یەکگرتگەیل ئەرا دەسمیەتی عراق "یۆنامی"، ئمڕوو دووشەممە، داوا لە ناڕەزایل کرد بینا و دامودەزگایل حکومەتی چووڵ بکەن، و لە ناوچەی خەزرا دەرچن، و زوور لەبان گرنگی ئارامکردن و نەکفتن وەشوین ئەو گەشەیلە کرد ک وسیانی سەختە.
شاندەگە لە بەیاننامیگ رەسیە ئاژانس شەفەق نیوز وت: داوا لە گشت ناڕەزایل کەیمن وەکوتپڕ لە ناوچەی ناودەوڵەتی بەغداد دەرچن، و گشت بینایل حکومەتی چووڵ بکەن، و ری وە حکومەت بیەن لە ئیدارەی دەوڵەتەگە تا خزمەت عراق بکەن.
وتیش: گەشەیل ئمڕوو بەرزکردن فرە رخبەریگە، بایەتە دامەزراوەیل دەوڵەت وەبی ریگری ئەرا خزمەت گەل عراق لە گشت رەوشەیل و لە گشت وەختەیل کار بکەن، و ئیسە دیار دەێد ک رژیم دەستووری کاریگ ژیانیە.
شاند نەتەوە یەکگرتگەیل هان گشتی دا ئاشتەوایی بگرنە خوەیان وهاوکاری وەرد هیزەیل ئەمنی بکەن، و دویر لەو کارەیلە بکەفن ک رەسێدە زەنجیرەیگ لە رویداوەیلیگ ک وسیان ئەرای نیەوود.
