ژن هاناویان… ئەمن نیشتیمانی دەسگیرکردن دەیان کەس وە توومەت وە دۆسیەیل بزوتنەوەیل ئاینی تونەڕوی
2023-10-29T12:46:26+00:00
شەفەق نیوز/ دەزگای ئەمن نیشتیمانی، ئمڕوو یەکشەممە، راگەیان دەیان توومەتبار دەسگیرکریانە کە ژنیش هاناویان وە دۆسیەیل بزوتنەوەیل تونەڕەوی لە 8 پارێزگا.
دەزگاگە لە بەیاننامەیگ رەسیە ئاژانس شەفەق نیوز وت " مەفرەزەیل دەزگاگە لەماوەی دوو مانگ وەرین توەنستنە 41 توومەتبار دەسگیربکەن کە ژنیش هاناویان لە پارێزگایەیل (کەربەلا، بەغدا، بەسرە، سامەرا، قادسیە، بابل، نەجەف، موسەنا) لەدویای ئۆپراسیۆنیگ و وەدویاچگن کردن ئەرا ئەندامەیل ئەو بزوتنەوە و وەرگردن رەزامەنی دادگا ئەرا دەسگیرکردنیان وەپای بڕگە مادەی (372)".
دیاریکرد " توومەتبارەیل ئەرا لایەنەیل داد پەیوەنیدار کلکریانە ئەرا وەرگردن رێکارەیل یاسایی لە وەرانوەریان".
