ميسان.. دەسگیرکردن کابرایگ ژن خوەی کوشتیە

فەرماندەییەگە لە بەیاننامەیگ رەسیە ئاژانس شەفەق نیوز وت: لە رووژیگ لە ساڵ ٢٠٢٣، تەرم ژنیگ رەسیە خەسەخانەی سەدر، و هووکار مردنی نادیار بوی، و هەناێ لێکۆڵینەوە واز کریا، شویەگەی وت: لەناو خەو گیانی لەدەسدا، وئەو مەوقە وایە قەزا و قەدەر بویە، و پیاوەگە مەرقەز کریا.

 فەرماندەییەگە وتیش: دویای قویلەوبوین لە لێکۆڵینەوە و وەشوینکەفتن باوەتەگە، تیم کارکردن رەسیە مەچیر تاوانبارکردن شوی قوربانیەگە، وە راپۆرت پزشک دادوەری کە دووپات کرد مردنی سروشتی نەویە، و کەفتیەسە وەر تاسیان لە مەوقەی خەفتنی، وەکوتپڕ مووڵەت دادوەری بریا و یادداشت دەسگیرکردن لەبان شویەگە دەرچگ.

 وەگورەی بەیاننامەگە، بەش پولیس کەرامە لە بنکەی پولیس جەوادەین وەگەرد پولیس فیدراڵی و وەڕیەوبەرایەتی هەواڵگری تاوانبارەگە دەسگیر کردن.