مردن و زەخمداری 20 کەس وە رویداوەیل جیاجیا لە پارێزگایەیل عراق
سەرچەوەیگ لە نەینەوا وە ئاژانس شەفەق نیوز وت، "4کەسگیان لەدەسدانە و پەنج کەیس تویش ەخمداری سەختیگ هاتیە وە لەیەکەوداین ماشینیگ وەرد بارهەڵگریگ لە ناوچەی شریخان لە مووسڵ".
هەمیش لە مووسڵ، 3 کەس تویش زەخمداری هاتیە یەکیگیان حاڵەتەگەی سەختە لە ئەنجام رویداویگ سەخت لە نزیک دەروازەی باشوور شار مووسڵ.
لە بابل، ژنیگ گیان لە دەسدا و 6 کەسیش زەخمداربوی وە پلیان ماشینیگ لە جویر کیا لە یەکتربڕ ئسکەندەریە باکور حلە.
لە دیالە سەرچەوەیگ ئەمنی وە ئاژانس شەفەق نیوز خەوەردا، دوو کەس زەخمداربوینە وە سزیان نانواخانەیگ لە قەزای خاڵس باکوور خورهەڵات بەعقوبە.
سەرچەوەگە وە ئاژانس شەفەق نیوز وت، "باوگ و کوڕیگ تویش سزیان سەختیگ بوینە وە سزیان نانەواخانەیگ لە قەزای خاڵس باکوور خوەرهەڵات بەعقوبە".
سەچەوەگە وتیش، "هووکار ئاگرەگە دزەکردن غاز بویە لە بوتڵەگە بویەسە مدوو هیزگردن ئاگر" دیاریکرد "تیم وەرگیری شارستانی ئاگرەگە کپەوکردنە، زەخمدارەیلە ئەرا چارەسەرکردن کلکریانە خەسخانە".
لە کەرکوک دوو کەس گیان لەدەسدا و یەکیگیش زەخمداربوی وە رویداو هاتوچوی لەناوەین داقوق و تازە وەپای سەرچەوەیل ئەمنی ئەورا.
