مردن گەنجیگ و زەخمداری سەربازیگ لە رویداو هاتوچویگ لە موسڵ
شەفەق نیوز/ سەرچەوەیگ ئەمنی لە نەینەوا خەوەردا ک گەنجیگ بیست ساڵان گیان لە دەسدایە، و زەخمداری سەربازیگ وە دو رویداو هاتوچو جیاجیا لە شار موسڵ ناوەن پارێزگاگە.
سەرچەوەگە وە ئاژانس شەفەق نیوز وت، " گەنج بیست ساڵانیگ ئمڕوو گیان لەدەسدایە لە دویای ئەوەگ ماشینیگ حکومی سەر وە شارەوانی ناحیەی کوێر دەێد لەلی، لە باشوور خوەرهەڵات شار موسڵ، وتیش، "هێزەیل ئەمنی لە شوین رویداوەگە ئامادەبوینە تەرمەگە ئەرا خەسخانە کلکردنە لێکۆڵینەوە لە رویداوەگە وازکردنە".
سەرچەوەگە وتیش، " سەربازیگلە سوپای عراق زەخمداربویە وە رویداو هاتوچو لە ناوچەی گەرەگ بەکر لە لای چەپ موسڵ، مەوقەی ک لە ماشین سەربازیەگە داوەزیە ئەرا سەنیین پێداویستیەیلی لە یەکیگ لە دوکانەیل لە رێ ئامریە، لە مەوقەی رەدبوینی لە جادە ماشینیگ دەێد لەلی و تویش زەخمداری بوود"، وتیش؛ "سەربازەگە ئەرا خەسخانەی نزیکیگ کلکریایە".
