مافه‌يل ئاده‌ميزاد: خوه‌ينيشانده‌ره‌يل ده‌سدريژى ئه‌كه‌نه بان هيزه‌يل ئه‌منى له به‌غدا
2020-02-11T08:29:20+00:00
شه‌فه‌ق نيوز/ كۆمسيۆن مافه‌يل ئاده‌ميزاد له عراق، نگه‌رانى خوه‌ى ده‌رخست وه‌رانوه‌ر ئه‌وه‌گ شماره‌يگ له خوه‌ينيشانده‌ره‌يل تون وتيژه دژ هيزه‌يل ئه‌منى وه‌كار ئه‌يه‌رن له مه‌يدان وه‌سبه له به‌غداى پايته‌خت.
كۆمسيۆنه‌گه له به‌ياننامه‌يگ ئه‌وه ده‌رخست ك به‌ڵگه‌يليگ ده‌سى كه‌فتگه له‌باره‌ى حاڵه‌ته‌يل تون و تيژى و ده‌سدريژى ئه‌را بان هيزه‌يل له‌لايه‌ن بڕيگ له خوه‌ينيشانده‌ره‌يل نائاشتيخواز، ئه‌ويش له‌ڕێ وه‌كارهاوردن بۆمب مۆڵۆتۆف و نارنجه‌ك ده‌سى وه‌رانوه‌ر وه هيزه‌يل ئه‌منى.
جى باسه، كۆمسيۆنه‌گه داوايش له هيزه‌يل ئه‌منى و خوه‌ينيشنده‌ره‌يل كرد هاوكارى و هه‌ماهه‌نگى زياتر داشتوون و كه‌سه‌يل تێكده‌ر له مه‌يدان خوه‌ينيشانداينه‌يل دويره‌و بخه‌ن و رێ وه ئاژاوه‌گێڕى و كار بشيوى نه‌دريه‌ێد.
