له به‌سره ده‌سكريا گرتن خوه‌ينيشانده‌ره‌يل و له زيقاريش غاز ئه‌سرڕشن هاوريا كار
2019-11-10T10:11:01+00:00
شه‌فه‌ق نيوز/ سه‌رچه‌وه‌يگ ئاگادار، باس له‌وه كرد هيزه‌يل ئه‌منى ده‌سكردنه‌سه ده‌ستگيركردن خوه‌ينيشانده‌ره‌يل له باشوور عراق.
ئه‌و سه‌رچه‌وه ئه‌را شه‌فه‌ق نيوز وت: هه‌ڵمه‌ت ده‌سگيركردن هه‌ڕه‌مه‌كى له‌لايه‌ن هيزه‌يل ئه‌منييه‌و له به‌سره وه‌شيوه‌يگ فراوانه‌و هيزه‌يل ئه‌منى نواگيرى له به‌شدارى خوه‌ندكاره‌يل كردنه له پاريزگاگه.
هه‌مان سه‌رچه‌وه وت: ئه‌و هيزه‌يل ئه‌منيه ك وجوود ديرن له نزيگ مه‌يدان حه‌بوبى له‌ناوڕاس شار ناسريه ناوه‌ند پاريزگاى زيقار، بۆمب غاز ئه‌سرڕشن وه‌كار هاوردنه ئه‌را چويچانن خوه‌ينيشانده‌ره‌يل و چه‌ن حاڵه‌تيگ ته‌نگه‌نه‌فه‌سى روێداگه.
