لەماوەی ٧٢ ساعەت.. پاکەوکردن ١٢٠ کێلومەتر چوارسویکە لە زەویەیل سەڵاحەدین
شەفەق نیوز/ سەرکردەیگ لە حەشد شەعبی، ئمڕوو چوارشەممە، خەوەردا لە پاکەوکردن ١٢٠ کێلومەتر چوارسویکە لە زەویە کشتوکاڵیەگان لە خوەرهەڵات پارێزگای سەڵاحەدین تا سنوور دیالە و کەرکوک.
وەنەس جەبارە فەرماندەی لیوای ٨٨ ئەرا ئاژانس شەفەق نیوز وت؛ دوێەکە سێشەممە ئۆپەراسیۆنە ئەمنیەگان تەواو بوین و ٧٢ ساعەت وەردەوام بوین،و بەشداربوین ئۆپراسیۆنەگان سەڵاحەدین و لیوایل ٩ و ٢٢ و ٨٨ لە ٦ و ١٢٠ کم٢ لە حەشد زەویە کشتوکاڵیەگان لەناونی خوەرهەڵات سەڵاحەدین و کەرت متێبیجە وەرەو سنوور کەرکوک و دیالە پاکەو کریان.
و دیاریکرد ک ئۆپراسیۆنەگان بوینە هووکار پاکەوکردن زەویە لەوەڕەگان و ئاوایە چووڵەگان لە مین و حەشارگەیل داعش و ورماننیان وەتەواوی.
جەبارە وتیش؛ کەرتە پاڵپشتیەگان پشتکیری حەشد وە فڕۆکەیل بیفڕۆکەوان کردن و کەرتەیل پاڵپشتی وە توووپ و هێز دژە قەڵغانەگان وەگەرد ئامێرەیل هونەری.
جەبارە ئاماژە کرد ک دەسنریا بان مینەیل و پێکهاتەیل تەقەمەنی لە دروسکردن تەقینەوەگان و عەتاد و چەک ک وەپیان پەلامار کەرتە ئەمنیەگان وئاوایەگان دریا،و ئاماژە کرد ک ئۆپراسیۆنەگە ئەوەسا هاوکاری لە هاوردنەوەی دانیشتوە ئاوارەگان کەێد ک لە دەیان لەی ئاوایەیلە واینە لە وەر هەڕەشەی داعش لەماوەی ساڵەیل گوزەیشتە.
