لە ماوەی دوو رووژ ئایندە واران سووکیگ روی لە عراق کەێد
کەشناس عەلی جابر زیادی وە ئاژانس شەفەق نیوز وت، وڵاتەگە لە ماوەی دوو رووژ ئایندە کەفێدە وەر داوەزیان واران سوکیگ کە کاریگەری بوود وەبان بڕیگ شوین، لەوەر هەبوین ئەوریگ واراناوی کە ئیوارە و ئمشەو وەرەو ناوچە جیاوازەیل بەشەیل باکوور و سەڵاحەدین جویلێد.
وتیش، ئێ ئەور واراناویە نیمەرەوی سوو یکشەممە جویلێد وەرەو شارەیل باشوور و فورات ناوڕاس تا شەوەکی دووشەممە وەردەوام بوود وارانیگ جیاواز و گرمەهڕ هاوەگەردی لە ناوچە جیاوازەیل حالەتەگە سوکە ئەورەیلە لە یەکەو دویرن بوودە هووکار واران وارین لەشوینیگ و شوینیگ ترک.
وتیش: کەشوهەوای سوو یەکشەممە وایگ ئاراستە ئاڵشتبویگ لە ناوڕاس وڵاتەگە و بیاوانەیل باشوور گورجەوبوود بوودە هووکار تەپوتوز دروسبوین ناوخوەیی
ئاشکەرایکرد: رووژ دووشەممە داوەزین سوکیگ رویدەێد لەوەر رەدبوین بارستە وای مامناوەنیگ لە رووژ سێشەممە کەمیگ قویڵەوبوود هیلێد کەشوهەواگە خاستر بوود لەوەر گورجەوبوین چالاکیوای باکوور، دیاریکرد لە کۆتایی ئێ مانگە دوارە واران وارین هەس.
