لە سەڵاحەدین و دیالە.. دویەتیگ خوەی سزنێد و ئاگر دوکانەیلیگ لەناو دەێد
شەفەق نیوز/ دوو سەرچەوەی ئەمنی لە سەڵاحەدین و دیالە، ئمڕوو سێشەممە، خەوەردان ک دویەتیگ لەوەر گرفتەیلیگ خیزانی خوەی سزان، و ئاگر گەورەیگ رەسیە دوکانەیلیگ بازرگانی، لە دوی رویداو جیاجیا لە دوو پارێزگاگە.
سەرچەوەیگ ئەمنی لە سەڵاحەدین ئەرا ئاژانس شەفەق نیوز وت: دویەتیگ لە تەمەن ١٨ ساڵان خوەی سزان لەوەر گرفتەیلیگ خیزانی لە ناوچەی حەی تین لە دەورگرد قەزای دووزخورماتوو لە سەڵاحەدین.
وتیش: دەسەڵاتەیل ئەمنی لێکۆڵینەوە لە رویداوەگە واز کردن، دیارییش کرد ک لێکۆڵینەوە سەرەتاییەیل وەگورەی کەسوکارەیل دویەتەگە لەوەر گرفتەیلیگ وەرد خیزانەگەی خوەی کوشتیە.
لە دیالە، سەرچەوەیگ ئەمنی وت: ئاگر گەورەیگ رەسیە دوکانەیلیگ بازرگانی لە حەی مفرەگ لە بەعقوبە.
سەرچەوەگە ئەرا ئاژانس شەفەق نیوز وت: هووکارەیل ئاگرەگە لەوەر پلەی گەرمی و شۆرت کارەبایی بویە، وتیش: تیمەیل وەرگری شارستانی توەنستن ئاگرەگە کپەو بکەن و نەیلن وەرەو ناوچەیل شانی فراوان بوود.
