لە دوو پارێزگا.. دزیکردن چەکداری لەماڵ و چیشتەخانەیگ و کوشتن دویەتیگ وەدەس باوگی
شەفەق نیوز/ سەرچەوەیگ ئەمنی لە پارێزگای نەجەف، ئمڕوو پەنجشەممە، خەوەردا لە دوو تاوان دزیکردن چەکداری لەناوڕاس پارێزگاگە، وهەمیش رویداویگ هاتوچو بویە هووکار کوشیان و زەخمداری ٤ کەس.
سەرچەوەگە ئەرا ئاژانس شەفەق نیوز وت: کەسەیلیگ نەناسریاگ وە چەک چینەسە ناو چیشتەخانە وکۆفی شۆپیگ لە شار نەجەف، و چشتەیل ناوی بردنە و وەرەو شوین نادیاریگ واینە، وهەمیش کەسەیلیگ نەناسریاگ وە چەک چینەسە ناو ماڵیگ، وپویل وتەڵا وە بایی ١٠ ملیۆن دینار لەلی دزینە.
سەرچەوەگە وتیش: رویداویگ هاتوچو کەفتە ناوبەین دوو ماشێن ساڵۆن لەبان ری فڕۆکەخانەی پارێزگاگە، و بویە هووکار مردن کەسیگ و زەخمداری ٣ کەستر.
لە بەغداد، پیاویگ دویای ناکۆکییگ خیزانی لە یەکیگ لە ناوچەیل باکوور پایتەخت دویەت خوەی کوشتیە. سەرچەوەیگ ئەمنی ئەرا ئاژانس شەفەق نیوز وت: پیاویگ دویەت لەداڵگبوی ٢٠٠٣ خوەی وە گولە مەوقەی خەفتنی لەناو ماڵ لە ناوچەی حسێنیە کوشتیە و وایە.
