لە دوو پارێزگا.. تەم بوودە هەکار زیاتر لە ١٠ رویداو هاتوچو
2023-01-07T11:19:56+00:00
شەفەق نیوز/ سەرچەوەیلیگ ئەمنی لە دیالە و سەڵاحەدین، ئمڕوو شەممە، خەوەردان لە توومارکردن زیاتر لە ١٠ رویداو هاتوچو لەوەر ئەو تەم خەسە وەبی زەرەد گیانی.
سەرچەوەیگ لە دیالە ئەرا ئاژانس شەفەق نیوز وت: پارێزگاگە نزیکەی ٦ تا ٧ رویداو هاتوچو لە ناوچەیلیگ جیاجیا توومار کرد، و چە زەخمدارییگ لەلی کەفت، و گشتیان بیوەی بوینە، و لە خەسەخانە و بنکەیل تەندروسی چارەسەر کریانە.
سەرچەوەگە وتیش: سەختترین رویداوەیل لەبان ری بەغداد - کەرکوک بویە لە نزیک جدیدە شەت، ک زیاتر لە ١٠ ماشین دانە لەیەک وەبی زەرد گیانی.
لە سەڵاحەدین، سەرچەوەیگتر ئەرا ئاژانس شەفەق نیوز وت: ٤ تا ٥ رویداو هاتوچو لە ناوچەیلیگ جیاجیا لە پارێزگاگە توومار کریا، بوینە هوکار زەخمداری شمارەیگ لە هاووڵاتیەیل لەوەر ئەو تەم خەسە و کەمی ئاست نووڕستنن لە ریەگە.
