لەدویای 9 ساڵ لە پشتگوشخستن...بەنداو ئەڵوەن هاژیر هەڕەشەی فەوتان
وەرپرسەگە ک ئاشکەرای ناوی نەکرد لەوەر قەیەغەکردن لێدوان روژنامەوانی، وت" بەنداو ئەڵوەن لە خانەقین ها لە هەڕەشەی لەناوچگن و پەیوەست بوود وە بەنداو مەنەلی و قەزانیە لە خوەرهەڵات دیالە لەوەر کەڵەکەبوین خەڕگ و پشتگوشخستن و نەوین کارەیل ئاودێری و پاکەوکردن هەر وە وەخت دروسبوینی لە 2013 تا ئیسە.
دووپاتکرد بەنداو ئەڵوەن لە خزمەتگوزاری دەرچگە ئاڵشتبویە ئەرا هێما و پێکەریگ لەور پشتگوشخستن حکومەت وەلایەن لایەنەیل پەیوەندیدار و هەڕەشە وەبان زیاتر لە 150 هەزار کەس کەێد لە بیئاوکردنیان.
وەرپرسەگە لە گفتوگوی وەکەرد ئاژانس شەفەق نیوز وت، بەنداوەیل دیالە وە دەس پشتگوش خستن و نوێژەننەکردنیان ناڵن، یەیش یەکیگە لە هووکارەیل کەمئاوی لە وەرزەیل کەموارانی و داهات ئاو چوینکە توانای ئەمارکردن لە ئاو و لافاو نەیرێد لە وەرزەیل زمسان و وەهار، پێویستە شادەمارەیل ژین لە خانەقین و ناوچەیل سەر وەپی قوورتار بکریەێد وەرجە ئەوەگ دیر بوود.
سەرچەوەیل ئاوی بەنداو ئەڵوەن لە ساڵ 2013 تەواوکرد، بەنداویگ خەڕگینە درویژیەگەی رەسێدە 1300 مەتر و بەرزی 24 مەتر وە تێچوی 30 ملیار و 500 ملیۆن دینار توانای ئەمارکزدنی رەسێده 24 ملیۆن مەتر چوارگوشە.
