كوشيان سێ شاعر جەماوەری عراقی وە رویداو هاتوچو دڵتەزنیگ لە زیقار
2022-12-24T11:05:21+00:00
شەفەق نیوز/ سەرچەوەیگ ئەمنی لە پارێزگای زیقار، ئمڕوو شەممە، خەوەردا لە کوشیان سێ کەس لە شاعرەیل جەماوەری (شاعیر وە شیوەزار عراقی) لە پارێزگاگە.
سەرچەوەگە ئەرا ئاژانس شەفەق نیوز وت: سێ کەس گیانیان لەدەسدان وە رویداویگ هاتوچو دڵتەزنیگ لە شار ناسریە، و دیاری کرد ک وەرپرس وەرین دەسەی ئەمنی لە ئەنجومەن شارەوانی قەزای سوق شیوخ هاناو ئەو قوربانیەیلە.
سەرچەوەگە وتیش: سێ کوشیایەگە هەرلە: عەبدولئەمیر مسیەر حسێن، و فلەیح حەسەن سوینی، و هەیسوم زیاب حسێن شرشاب، لە شاعرەیل جەماوەری پارێزگاگە دریەنە قەڵەم.
