كەشوهەوای عراق لەی چوار رووژ بانانە.. بانوخوارکردن پلەی گەرمی
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای ئمڕوو شەممە، ئاسمان رووشنە، و پلەی گەرمی لە گشت وڵاتەگە نزیک رووژ وەرجە خوەیە، و دیاری کرد کە پلەی گەرمی مەزن وەیجویرە بوود: بەغداد و سەڵاحەدین ٤٣ پلەی سەدی، کەرکوک و مووسڵ ٤١ پلەی سەدی، کەربەلا و واست ٤٤ پلەی سەدی، نەجەف ٤٥ پلەی سەدی، بەسرە ٤٦ پلەی سەدی.
وتیش: سوو یەکشەممە، لە ناوچەی ناوڕاس رووشنە و پلەی گەرمی نزیک رووژ وەرجە خوەیە، و بە ناوچەی باکوور رووشنە و لە شەو بوودە نیمچە ئەور، و پلەی گەرمی کەمیگ داوەزێد، و لە ناوچەی باشوور رووشنە و پلەی گەرمی کەمیگ داوەزێد.
وتیش: رووژ دووشەممە، لە گشت ناوچەیل وڵاتەگە رووشنە وەگەرد لەکە ئەوریگ، و پلەی گەرمی لە بەشەیل باکوور و ناوڕاس نزیک رووژ وەرجە خوەیە، و لە ناوچەی باشوور کەمیگ بەرزەو بوود.
دیاری کرد ک رووژ سێشەممە، لە ناوچەی ناوڕاس رووشنە و پلەی گەرمی کەمیگ بەرزەو بوود، و لە ناوچەی باکوور رووشنە وەگەرد لەکە ئەوریگ، و پلەی گەرمی کەمیگ بەرزەو بوود، و لە ناوچەی باشوور رووشنە و جاروبار نیمچە ئەورە، و پلەی گەرمی کەمیگ داوەزێد.
دەسەگە وتیش: کەشوهەوای رووژ چوارشووممەی ئایندە لە گشت وڵاتەگە ئاسمان رووشنە، و پلەی گەرمی لە بەشەیل ناوڕاس و باشوور کەمیگ داوەزێد، و لە بەش باکوور نزیک رووژ وەرجە خوەیە.
