عراق هەفت بڕیار ئەرا نواگردن بڵاوبوین کۆڕۆنا بەێد
شەفەق نیوز/ موستەفا کازمی سەرۆک ئەنجومەن وەزیران، ئمڕوو پەنجشەممە، فەرمان وە هەفت بڕیار ئەرا نواگردن بڵاوبوین کۆڕۆنا دا، لەلیان قەغەی هاتووچگن لەناونی پارێزگاگان وەشیوەیگ یەکجاریە، و قەیەغەی گردەوبوینە کۆمەڵایەتیەگان وە کشت شیوەگانی، وەتایبەت چالاکیە ئاینیەگان.
ئەمینداریەتی گشتی ئەنجومەن وەزیران لە بەیاننامەیگ رەسیە ئاژانس شەفەق نیوز وت: کازمی فەرمان داگە وەزارەتەگان و ئەو لایەنەیلە ک پەیوەندی وە وەزارەتیگ نەیرن، وە دەسەڵات داین ئەرا لایەنە چەودیریەگان لە وەزارەت تەندروسی، لە وەرگردن باجەگان لە پێشێلکارەیل ریکارە مقەیەتیەگان و بڕیارەیل دەسەی باڵای تەندروسی و سەڵامەتی ک هالە ژیر سەرپەرشتیاریی لایەنە چەودیریەگان لە وەزارەتەگە.
بڕیار قەیەغەی گواستنەوە لەناونی گشت پارێزگاگان دریا، وەگەرد وەخشینیگ تایبەت ئەرا باوەتە مرۆییەگان، و ئەرا فەرمانبەرەیل دەوڵەت ئەرا ئەرکەیلیگ پیشەیی لە وەزارەت و فەرمانگەیلیان.
کازمی دووپات کرد لە جەختکردن لەبان دویرەوکەفتن لەشەیل و قەیەغەی تیکڵابوین لەناونی مەردمەگە، و بردن ئەو ریکارەیلە ک ریگری لە گردەوبوینەگان وەگشت شیوەگانی کەن، وەتایبەت چالاکیە ئاینیەگان و کۆمەڵایەتیەگان، چوونکە ئەوانە لە مەترسیدارترین
دەسمیەتدەرەگانە ئەرا گواستنەوەی پەتاگە، و دووپاتکردن وەقفەیل شیعی و سونی و سەرپەرشتیارەیل مەزارە پیرۆزەگان، لە قەیەغەی گردەوبوینە ئاینییەگان ئەرا رووژەیل ئایندە.
سەرۆک وەزیران بانگواز کرد ئەرا دووپاتکردن لە بتەوکردن وەزارەت پەیوەندی و هێز ئەنتەرنێت لە وڵاتەگه، چوونکە پەتای کۆڕونا ئەوەسا وەردەوام بوود و بەڵگەیگ لە نزیکەوبوین کۆتاییەگەی نییە، و چالاکە خوەنەواریەگان ئەنتەرنێت وەهێزیگ خوازێد تا پەک خوەنەواریەگە نەخەێد و مقەیەتی توکمەییەگەی بکەێد.
هەمیش داوا لە وەزارەتەگان و ئەو لایەنەیلە ک پەیوەندی وە وەزارەتیگ نەیرن، و هەمیش فەرمانگە و دامەزراوە تایبەتەگان کرد شیوەی وەڕێوبردنیان ئەرا کەمەوکردن قەرەباڵغەگان ئاڵشت بکەن، لەڕی وەکارهاوردن حکومڕانی ئەلیکتڕۆنی هەکاتی دەوڵەتەیل جهان.
هەمیش فەرمان دا ک بڕیارەیل دەسەی باڵای تەندروسی و سەڵامەتی نیشتمانی (٧ ئەرا ساڵ ٢٠٢١) تا ٢٠٢١/٣/٨ دەربارەی خوەنەواری ئەلیکتڕۆنی پەیمانگا حکومەتی و تایبەتەگان گرێدەو، و وەگورەی هەڵوێست پەتاگە ئەگەر دریژەوکردن دیرێد.
و جەخت کرد لە دووپاتکردن لە گشت کەناڵە راگەیاننەگان میوانی ئەوانە نەکەن ک راسیەگان لە پەتای کۆڕۆنا و ریکارە مقەیەتیەگان گوما کەن، و سزادان کەناڵە پێشیدێلکەرەگان.
