عراق یەکەمە لەدەوڵەتە عەرەوەکان و لەپلەی ٢٥ لە جهان لە زەرەدمەنی کۆڕۆنا
شەفەق نیوز/ عراق کەفتە وەردەم لیست دەوڵەتە عەرەویەکان لە تۆمارکردن تووشهاتنەیل ڤایڕۆس کۆڕۆنا، وە ٩٨٤٩٥٠ تووشهاتن، تا رەسێدە پلەی ٢٥ لە جهان، لەلیان ١٥٠٢٦ مردن، ك خوەی پلەی ٣٢ لە جهانە لەلایەن قوربانییەیل.
ئوردن هالە پلەی ٣٤ لە جهان لەلای ژمارەی تووشهاتنەکان وە ٦٨٩٤٨٢ تووشهاتن، و ٨٣٠٨ مردن.
لوبنان هالە پلەی ٣٩ وە ٥١١٣٩٨ تووشهاتن، و لەپلەی ٤٧ لە مردنەیل وە ٦٩٦٩ مردن
مەغریب هالە پلەی ٤٠ لە جهان و پلەی ٤ لەناو عەرەوەکان.
ئیمارات کەفێدە پلەی ٤١ لە جهان، و پەنجەم لەناو عەرەوەکان لەلای ژمارەی تووشهاتنەکان، و لەلای مردنەکان رەسێدە پلەی ٨٦.
ئیجا سعودیە لەپلەی ٤٢ لەجهان و پلەی ٦ لەناو دەوڵەتە عەرەویەکان لە لیست تووشهاتنەیل، و هالە پلەی ٤٨ لەلای مردنەیل.
تونس هالە پلەی ٥٥ لەجهان و ٧ لە عەرەوەکان لەلای تووشهاتنەیل، و لەلای مردنەکان هالە پلەی ٤٠.
فەلەستین هالە پلەی ٥٧ لە جهان، و ٨ لە عەرەوەکان لەلای تووشهاتنەیل، و هالە پلەی ٧١ لەلیست مەردنەیل.
کوەیت هالە پلەی ٥٩ لە لیست تووشهاتنەیل جهان، و پلەی ٩ لەناو عەرەوەکان، و هالە پلەی ٨٩ لە جهان لەلای مردنەیل.
میسر هالە پلەی ١٠ لەناو دەوڵەتە عەرەویەکان لە ژمارەی تووشهاتنەکان وە ڤایڕۆس کۆڕۆنا، و هەمیش هالە پلەی ٦٨ لەجهان، و لە ژمارەی مردنەکان هالە پلەی ٣٤ لە جهان.
